Ami nia k'nar
Gabineti Inspesaun Geral sei halao auditoria hó investigasaun nebe independente atu promove transparensia no pratica nebe diak liu iha serbisu hotu Governu nian.
Ami nian historia
Gabineti Inspesaun Geral komesa harí iha fulan Juilu tinan 2000 iha tempu Administrasaun Transitoria Nasoens Unidas nian iha Timor-Leste. Halo tiha restaurasaun Independencia Republika Demokratika Timor-Leste nian iha 20 Maio 2002, GIG hatama iha istrutura organika Primeiru Governu Konstitusional nian iha Gabineti Primeiru Ministru nia laran, tuir artigu 4 Dekretu Lei Governu nian No. 3/2002, loron 20 fulan Setembru tinan 2002.
Ami nian mandatu
Mandatu Gabineti Inspesaun Geral hetan iha fase 2:
Durante UNTAET iha Timor Leste
-
Halao inspeksaun atu fo garantia katak serbisu administrasaun halo nia knar tuir legislasaun, regulamentu no prosedimentu sira nebe aprova tiha ona.
-
Halao investigasaun kona ba buat la diak nebe administrasaun ka ninia ema sira halo ka kontra sira.
-
Ajuda hadi'a administrasaun publika, serbisu ho departamentu no agencia sira, atu fo garantia hala'o pratika sira nebe diak liu hodi propoen medida sira atu halo diak liu tan funcionamentu sistema kontrolu internu.
-
Atu halao kampanha anti korupsaun hodi haboot liu tan integridade iha administrasaun publika nia laran.
Halo tiha restaurasaun Independensia Republika Demokratika de Timor-Leste, mandatu aumenta tan atu:
- Halao funsaun auditoria interna.
|
